Як паведаміла выданьне «Позірк» з спасылкай на штогадовую справаздачу праваабарончай арганізацыі Article 19, Расея займае ў гэтым рэйтынгу 151-е месца.
Сярод суседзяў Беларусі найлепшая пазыцыя ў Латвіі — 9-е месца. Літва заняла 17-е месца, Польшча — 29-е, Украіна — 103-е.
Найлепш з свабодай слова, паводле праваабаронцаў, ідзецца Даніі, Швайцарыі й Швэцыі, а з постсавецкіх краін — Эстоніі (4-е месца ў сьвеце).
Летась у гэтым рэйтынгу Беларусь займала 158-е месца і апярэджвала, апроч Нікарагуа і Паўночнай Карэі, яшчэ і Эрытрэю.
Брытанская праваабарончая арганізацыя Article 19 заснаваная ў 1987 годзе. Яе дзейнасьць накіравана на абарону і спрыяньне свабодзе выказваньня думак і свабодзе інфармацыі.
Ва Ўсясьветным індэксе свабоды прэсы 2025 году, які ў траўні для 180 краін склала міжнародная арганізацыя «Рэпартэры бязь межаў», Беларусь заняла 166-е месца.
ГЛЯДЗІЦЕ ТАКСАМА: Беларусь «працягвае жыць у змроку рэпрэсій». Выйшаў даклад ААН пра сытуацыю з правамі чалавека ў Беларусі