Як паведаміла выданьне rmf24.pl, дэнансацыю канвэнцыі падтрымалі 413 дэпутатаў, 15 прагаласавалі супраць і тры — устрымаліся.
Атаўская канвэнцыя была падпісаная ў 1997 і набыла моц у 1999 годзе. Амаль тры дзясяткі краін не далучыліся да яе, у тым ліку некаторыя асноўныя цяперашнія і ранейшыя вытворцы і карыстальнікі наземных мінаў, такія як ЗША, Кітай, Індыя, Пакістан, Паўднёвая Карэя і Расея.
У апублікаванай летась справаздачы міжнародны назіральны орган Landmine Monitor заявіў, што наземныя міны ўсё яшчэ актыўна выкарыстоўвалі ў 2023 і 2024 гадах Расея, М’янма, Іран і Паўночная Карэя.
У 2025 годзе аб намеры выйсьці з дамовы паведамілі ўсе краіны Балтыі, Польшча і Фінляндыя. Усе гэтыя дзяржавы мяжуюць з Расеяй, якая ніколі не далучалася да забароны. Краіны патлумачылі гэты крок сытуацыяй зь бясьпекай у рэгіёне, якая для краін NATO пагоршылася.
Сёлета ў красавіку за выхад з канвэнцыі аб забароне супрацьпяхотных мінаў прагаласаваў парлямэнт Латвіі, а Літвы — у траўні.
ГЛЯДЗІЦЕ ТАКСАМА: Латвія выйшла з канвэнцыі аб забароне супрацьпяхотных мінаў, гэта тлумачаць расейскай пагрозай ГЛЯДЗІЦЕ ТАКСАМА: Сейм Літвы прагаласаваў за выхад з канвэнцыі аб забароне супрацьпяхотных мінаў